قصائد ومواليد مكتوبة تجدوها هنا

هلا هلا – حسين الحجامي
من شريط عيد الفطر جانه

ابعيدك هلا يالمنتظر..يالمنتظر عيدك هلا
شَق السما هذا الخبر.. هذا الخبر شَق السما
هلا هلا هلا.. هلا هلا هلا.. هلا هلا هلا .. هيه
هلا هلا هلا .. هلا هلا هلا .. هلا هلا هلا .. هيه

-
العيد عَيّد ليك غرد يا أبو صالح يا إمام
نام صوتي في قنوتي احتفل بلساني الكلام
الحرام بلا صلاة اتوضى بالعيد الحرام
اعذرني ما أقرا في مقامي راح مشّاي المقام

نفس الهلا .. ﮔالت هلا ..ﮔالت هلا .. نفس الهلا
نفس الهلا ..ﮔالت هلا .. ﮔالت هلا .. نفس الهلا
هلا هلا هلا .. هلا هلا هلا .. هلا هلا هلا .. هلهيه
هلا هلا هلا .. هلا هلا هلا .. هلا هلا هلا .. هلهيه

**

ارد اموتن وين اموتن ارد اموتن آنا بيك
من اعوفك ما اعوفك من اعوفك يعني اجيك
آنا اوﮔف بس أمام كقاع من قمة إليك

ابهاي عيني ما اباوع انت الي تباوع عليك

أهل السما .. كالوا هلا..كالوا هلا..أهل السما
أهل السما.. كالوا هلا..كالوا هلا ..أهل السما
هلا هلا هلا .. هلا هلا هلا .. هلا هلا هلا .. هلهيه
هلا هلا هلا .. هلا هلا هلا .. هلا هلا هلا .. هلهيه
**

من عيوني مو دموعي قامت الشيعة تطيح
شفت حلوة بوسط موكب هاي بغداد وتصيح
تـﮔلي يا شيعي وموالي تفضل اهنانه استريح

وشفت مريم يمها تضحك شايلة بﭽفها المسيح

ﭽفها اعتلى .. صَيح هلا ..صَيح هلا ..ﭽفها اعتلى
ﭽفها اعتلى .. صَيح هلا ..صَيحهلا.. ﭽفها اعتلى
هلا هلا هلا .. هلا هلا هلا .. هلا هلا هلا .. هلهيه
هلا هلا هلا .. هلا هلا هلا .. هلا هلا هلا .. هلهيه

**
المنية يا إمامي لبست ثياب الحياة
دمعة ضحكت لمن نزلت قامت بخد الصلاة
وَ وزن شعري صاح لأجلك .. صاح بأحلى الصايحات
فاعلاتٍ..فاعلاتٍ..فاعلاتٍ..فاعلات

شِعري اعتلى .. صيّح هلا .. صيح هلا .. شعري اعتلى

شِعري اعتلى .. صيّح هلا..صيح هلا .. شعري اعتلى
هلا هلا هلا .. هلا هلا هلا .. هلا هلا هلا .. هلهيه
هلا هلا هلا .. هلا هلا هلا .. هلا هلا هلا .. هلهيه

**
قبل جدمي وقبل طولي راح قدامي الخيال
جَدي شايب حيل متعب من اجالك كالغزال
اكبار احنة ليش نركض الفرحة سوتنه جهال
انته بينه مو بيدينه فقرة وتـﮔلك تعال

حبك علا..شينزله..شينزله ..حبك علا

حبك علا..شينزله ..شينزله ..حبك علا

هلا هلا هلا .. هلا هلا هلا .. هلا هلا هلا .. هلهيه
هلا هلا هلا .. هلا هلا هلا .. هلا هلا هلا .. هلهيه

سلوان الناصري : طير الود
يالحبك مالِك مصيري

يالحبك مالِك مصيري.. ما أرضى أبغيرك أميري

من لهبة نار السعيري يا حيدر أنته مجيري

يتخافق الدلاّل يختل لساني

من أسمع أبطاريك أشهق تراني

يا مالك أطهر ذات وأجمل معاني

لا ما تمسني النار وأنته ضماني

يالـماكو أبحسنه أوجماله

ولا واحد يوصل كماله

مذهولة الناس أبخصاله

نتمنه عطفه او وصاله

* * *

يا مأّدِّب الفرسان من آل أمية

ويّه الأعادي أتصير جفك منية

للموزمة مذخور وألكل رزية

عرش الذي سمّاك حامي الحمية

يالشد أبسيفك دمعها

فرسان أبطال ألصرعها

يا جار الغيرة أونبعها

من غيرك خيبر قلعها

* * *

جيوش العده من أتفوض ترجف زلمها

بس دومه بالبتّار يرتد عزمها

شافت فعل ما صار والهم لزمها

جت أبن ود نصين سيفك قسمها

لو جيش أعداكم يجازف

بحشوده ألسيفك يصادف

بالناتج صدقني عارف

يتلاشى ويصبح سوالِف

* * *

القلب ألصبح ولهان خل عينك أتشوف

من حبك أهجس بيه طبعته السيوف

يالأصله طيب ذات بالغيرة موصوف

ارحم قلب يهواك للمُلكه ملهوف

دلاّلي نيرانك أبره

يا حيدر حيّرني أمره

ولهان أوشنهي أليصبره

وألحبك لا بد تعذره

سلوان الناصري : طير الود
أسيرك هذا وجداني

أسيرك هذا وجداني .. ودليلي ما عشق ثاني
ما ذل الحب بس حبك .. أمير بفضله خلاّني

عشق غيرك فلا مرني .. وهواك أنته اللي جنني
مثل دار الرمل ذرني .. جذب م ن قال تنساني
* * *
أبي نظرة عطف يحيسن .. أضاهي فيه أنا الكونين
لو أن تطفي بدمعها العين .. أظل ألطيفك أمتاني
* * *
أعز يحسين من عمري .. تحملت أشكثر تدري
أخافن لا يفض صدري .. وغفل تفضحني أشجاني
* * *
دليلي ألما عداكم حد .. وأظن تدري يخو زينب
صدق تتركني أتعذب .. أظل ترفسني أحزاني

سلوان الناصري : طير الود
الموعود

يا هالموعود .. يا هالموعود.. يا هالموعود
يا هالموعود يالمهدي

عليك أحسب دمعي عيني .. وأريدن لو ترد بيني
أناطر خلصن أسنيني .. مل عندي توافيني
ترد أردود .. ترد أردود .. ترد أردود
ترد أردود يالمهدي
* * *
يا بهجة عمري وأفراحه .. ظهر أليزهي مصباجه
ويا طير الود على أجناحه .. سلت دلاّلي وأنياجه
يريد أتعود .. يريد أتعود .. يريد أتعود
يريد أتعود يالمهدي
* * *
قعدت أنطر مراسيلك .. تنام وأسهر بليلك
أصّفّ أرموش أهفِّي لك .. مرار الدنيه أحجي لك
بليالي السود .. بليالي السود .. بليالي السود
ليالي الســـــود
* * *
أليسافر تخلص أسفاره .. يحن ويعاود ألداره
دليلي عندك أخباره .. يشب وينطفي أبناره
أعله حشد الشهود .. أعله حشد الشهود .. أعله حشد الشهود
أعله حشد الشهود يالمهدي

سلوان الناصري : طير الود
والنبي أهواك

والنبي أهواك ثاني .. ما أود آوياك ثاني
ما أود آوياك ثاني .. والنبي أهواك

تعلمت العشق قبل أليعشقون
محبتي من الصغر ضلت عفيفة
جنت أتخيل آنه أبيوم مملوك
جنت أتخيلك أنته الخليفة
جنتي يالمهدي غارق بين الأحلام
ربيع أحلامي راح وحل خريفة
والله كونك شاق صد لي .. من يمر طرواك صد لي
من يمر طرواك والله .. والله كونك شوق
* * *
قبل ما أعوف الحب يجوي القلوب
قبل جنت آنه ألوم ألي يسهرون
عيني الي عمت في بحر الأشواق
صرت آنه ألـ أعاني من أليلومون
أثاري أمجبتك يالمهدي أنواع
وأهونهن أصيرن بيك مجنون
سيدي بحماك خادم .. كل حياته أنطاك خادم

سلوان الناصري : طير الود
يالمهدي اسمع

يناشدني القلب يالمهدي إذا تسمع
وصال أمودتك يا سيدي يطمع
سؤاله أهوايه أذّاني .. لهسه أيقلِّي اش متاني

شاسولف لك عليه وانته الذي عارف
جريح الحب اذا جرحه يظل نازف
يطب نار العشق دلالي ويجازف
يموت ولا أشوفك يا سيدي خايف
الك ويه القلب مية ألف قصة
يرديك تمنحه يابن الحسن فرصة
بعت يالمهدي وجداني .. لهسه أيقلِّي اش متاني
يناشدني القلب يالمهدي إذا تسمع
* * *
حبيبي أبحالتك صار الفكر حاير
أهمّن بيه أضلن ليلي أمساهر
إله يوم ويرد لأحبابه المسافر
وأنته أسنين عمرك خلصن أمهاجر
يقلّي ما اعرفت غيره وأنا الذايب
خليلن عن نظر خلانه ظل غايب
تموج أبقلبي أحزاني .. لهسه أيقلِّي اش متاني
يناشدني القلب يالمهدي اذا تسمع
* * *
دليلي ما يمل وأنته تعرف طبعه
يذوبه الحب اذا يعشق مثل شمعة
يا دين الله أنته و رايته و شرعه
متى أتعاود يا روحي أتشف الدمعة
حبيبي لو قلت لك منك أتعذر
على ألسان الذي بقلبي فلا أقدر
طفح هالحب على ألساني .. لهسه أيقلِّي اش متاني
يناشدني القلب يالمهدي اذا تسمع
* * *
أنا ألواعدتك ولا ما اخلفت وعدي
آوياك أعله العهد حتم آنه أصون وعدي
رحت عني وتداعت روحي يالمهدي
غدا حادي الهضم وسط القلب يحدي
اي بتصدق تجرع سم وسط كاسه
وأظن تدري أبدليلي أرهيف احساسه
أعاني منه ويعاني .. لهسه ايقلِّي اش متاني
يناشدني القلب يالمهدي اذا تسمع
* * *
با من حبك كنز يالمهدي ضميته
مثل هرش الورد بدموعي باريته
بجيت وهالصخر وياي بجيته
يا من دلاّلي وحده أيلوب خليته
أريد أتخلي يابن العسكري ضد حل
غدا يحرجني عنك قلبي من يسأل
أهم كل يوم خلاّني .. لهسه أيقلِّي اش متاني
يناشدني القلب يالمهدي اذا تسمع

قصائد إصدار العراق وَ العباس

الرادودين أحمد الساعدي وَ علي الدلفي

..

أخذوها روحي - الدلفي

أخذوها روحي وياكم أخذوها .. ﭼف أبو فاضل راية علـﮔوها

قولوه يمك يستحي يمد أيده .. شيه شاف جفينك عليك بعيدة

الله عليكم هيج وصلوها

ذمة وصيتي هيج وصلوها

-

مو كافي روحي أخذوا حتى أيامي

كل اللي شفته بصحوته ومنامي

قولوه عطشانك يجود الضامي

هالواقف بابك يا عيد صيامي

كل شيء أخذتوا وياكم أخذوا عيوني

وهالنواب هم ردوا علي وأخذوني

أخذوني طير بصحنه ربوها

* *

هسه آنا اريدن يمه هاي الساعة

أبحر بمركب شوق روحي شراعه

قلبي عشق عباس حلو أطباعه
نعم الأخو نعم الصبر والطاعة
لمن شبقته أشبق آنا بروحي
تردلي روحي وآنا اصيحن روحي
ما أريد روحي يمه ودوها

* *

هاي أخو زينب آنا جيت لدارك

قاصد دنيتك وأنت آمن جارك

أروي عطش روحي بدمع زوارك

يا قمر يالـ بس النجم خطارك

القلب يرجف خل يدق الحيل

ما يهيد يمك راد يغفى الليل

روحي عله حبه لا توصوها

* *

أرسل عيوني العاشقات اطيوفه

الله عليكم طوفي بيها جفوفه

ما أقف بطوله آنا ساعة شوفه

ما أمشي بس يأخذني راجي ضيوفه

أوصل لشباجه وأقضن بابه

وانسطل بتبين جمع أحبابه

هاي وصيتي يالـ سمعتوها

عاشق وحبك رماني بسهم هجره ونساني حاير بشوقي وزماني ودموعي مثل المطر
عاشق وذايب دليلي يانجمة سهيل ليلي عاشق وغايب خليلي عذب جفوني السهر
بيه حبك صار
بين جنة ونار
---------------
كل عاشق شاف محبوبه بمدامع سيل
وآانه حارقني غيابه بلهب ناره
بين شوف وشوق حارت دمعتي ويا الليل
حتى وجه الليل باح بشوقه واسراره
يبجي لي ليل العشاقه يدري بخليل وفراقه يدري بدليل اشتياقه مامثله يحمل بشر
قصة حبيب برحيله يرويها خل لخليله للمهدي ذايب دليله ولشوقه يبجي القمر
دمعه شبه انهار
بين جنه ونار
---------------------
آنه والمهدي قصة عاشق ومعشوق
حاضر العاشق لكن غاب معشوقه
من تشتهي الريح شوق القلب يرحل فوق
يقصد النجمات يبجي بدمعه محروقه
يقصد لبدر الليالي واحجي النجوم على حالي محبوبي ساكن في بالي ومن صبري مل الصبر
في صحوتي وفي منامي هايم بأحلى الأسامي للمهدي شوقي وغرامي شاغلني طول العمر
هايم ومحتار
بين جنه ونار
------------------
عيني ليلي تنام وانه عيوني سهرانه
مايجيني النوم قلبي من الصبر ذايب
قلبي بيت الشوق صار المهدي عنوانه
كيف انام الليل محبوب القلب غايب
يامن شغلني ابمغيبه ياحب قلبي وحبيبه بلسم لجرحي وطبيبه ولغيره قلبي اعتذر
سئلوني منهو الفديته بالروح والدم شريته ياناس سمو إلـ هويته بالغايب المنتظر
صبري طير وطار
بين جنه ونار
---------------------
اصرخ وصرخات شوقي تهيب المشتاق
صرخة المشتاق تالي الليل مسموعه
وعبرة المشتاق تگتل لو يطول فراق
بالهجر معذور كل عاشق جرى دموعه
من كثر صبري وظنوني دمعاتي ذبحت جفوني مابين رمشي وعيوني ساكن يا ضي النظر
مغرم بنوره وجماله هايم بلحظه وصاله في بالي ساكن خياله بغيابه طال السفر
شابحه الانظار
بين جنة ونار

مُتيم بغرام حسين
مُتيم بالعشق هايم .. لحظة أبليلي ما نايم
روحي والقلب والعين .. شاغلهن غرام احسين
يا ليت أنحسب خادم
--
طوّح شوق ضعن الشوق أبقلب الهايم أتعنه
جنـــــة يا ضريح احسين أنا المشتاق للجنة
يفيض الشوق من عيني لو شفت قبة احسيني
عليل أوعلِّتي تشفه اوفيني ما تمر دايــــــــم
** *
أدخل حضرته والشوق زايد ما نقص فيني
قلبي أيـــــروح قـدامي وأنـا قـــدامي يلقيني
نتساـبق أنـا اوقلبي اودربي سابق أبـــدربي
ولو أموت أبغرام احسين ألف مرة ولا نادم
** *
ريحـــــانة رسول الله احسين اومهجة الزهرة
شبــل حيـــدر علي الكـرار ما أدراك ما أدراه
وما أدرى الذي عاداه باجر بالحشر يلقــــــــاه
لو صف له العمر خسران لو كان العمر صايم
** *
مركب للنجاة احسين في يوم الحشـر شـافع
عن كل واحدٍ يهواه محامي أيصير وأيـدافع
امحبته السنــد للجنة نـتــــرجى الرضــا منه
وخل تسمعني كل الناس اوخل أيلومني اللايم
** *
زهير اوعابس آنه اوجون عدّى شوقهم شوقي
عاشق والطريق أبعيد اوناخت بالهــوى النوقي
بالحضرة وأحس أبعيد عيني امن الوجد ما اتهيد
ما فــاهم مداها الشوق وينه المعـــذور ما فـاهم

نار العشق
في القلب نار العشق ما ظنتي أتهون
دايم يظل لحسين شوقي أوغرامي
أن ردت رسمه قلت في العين موجود
وأن ردت وصفه قلت يعجز كلامي
--
أصبح هيامي يا إمامي فيك ليلي ونهاري
مقدر أخبي هامِ قلبي مثل طير البراري
ما غبت عني صرت مني دمي في عروقي ساري
في القلب أثّر وآنه مقدر أخفي حبك وأداري
أبغى أزورك يا حبيبي .. أخشى نورك يا حبيبي
محتار أنا بين أقصد ألقبرك وأعود
وأن أبقى يمك وأطفي ناري أوهيامي
** *
هايم وشوقي في عروقي يسري وي نبض قلبي
كل دقة منه تحكي عنه وأنعرف فيه حبي
أن رحت يمه شفت رسمه فيني والنور قربي
ينظرني ريته وأن بغيته أبغى يهديني ربي
أنته فيني يا حبيبي .. وسط عيني يا حبيبي
أسكن في عيني والرمش ليك معذور
تعمى العيون أبغيبتك يا إمامي
** *
يالما نستيك وأنته ريتك عني ترضى وتسامح
واضح جنوني في عيوني يا نظر عيني واضح
أهواك لنّك ما في منك يشبهك في الملامح
أخسر حياتي وأمنياتي بس أضل فيك رابح
يلي جيتك يا حبيبي .. قلبي بيتك يا حبيبي
يالماي شوقكك للظما أبغيمك أيجود
وشما رويت الشوق أبقى آنه ظامي
** *
ردت أشوفك ما أطوفك لنّك أنته فـ كياني
نورك عشقته وألعظمته ملك عمر أوزماني
وأن ردت أشمك أبقى يمك ما أفارق مكاني
هيهات أملك وأرد أقلك شي ما غيره ثاني
ما في دونك يا حبيبي .. وأليخونك يا حبيبي
خارج في دينه والروايات له أشهود
من غيرك أنته ألدين جدك يحامي
** *

قلبي وي طير الحمام
قلبي وي طير هاجر آنه أوفارقيته
ثاري هايم بالإمام ساكن الحضرة لقيته
قلبي أوفى الناس ما ينسى حبيبه
عادت المجروح يتعنّه ألطبيبه
آه يالحسن آه .. آه يالحسن آه
--
كون ألِّمّ أجروح قلبي ومن غدر دهري أشتكي لك
وي نسيم الليلة أطيرن وأبدمع عيني أعتني لك
وأشكيك أهموم الليالي وأصرخ أبصوتي دخيلك
قلبي من فرقاك شيّب أخاف أموت وما أجي لك
شوفي طاير وآنه صابر .. وآنه صابر شوفي طاير
آه يالحسن آه .. آه يالحسن آه
** *
ريت أشم ريحة ترابك وأنثر أدموعي أعله قبرك
روحي ريت أتصير قبة وأبدمع عيني أطفي جمرك
أنطيني جبدك وأخذ جبدي وحطه حدر أضلوع صدرك
ما أريد أسنين عمري وهاك أخذ عمري أعله عمرك
بأنتظاري دمعي جاري .. دمعي جاري بإنتظاري
آه يالحسن آه .. آه يالحسن آه
** *
حقه لو يشتاق عاشق دمعه من فرقاك جاري
هايم آنه أبشوق قبرك وأنتظر ليلي أونهاري
عيني مشبوحة أعله قلبي وقلبي ساكن بالصحاري
وين أشوفك يا إمامي ناطر أوطال إنتظاري
بالمشاعر قلبي حاير .. قلبي حاير بالمشاعر
آه يالحسن آه .. آه يالحسن آه
** *
من يجيني الليل أسلم وي سلامي أتطيح دمعه
دمعة تركض تبجي دمعة ألدمعة الطاهرة البضعه
دمعة الزهرة أعله قبرك وي دمعتي أتقوم تنعه
وصوت ونّات الزجية من يجيني الليل أسمعه
وأعله بنها أيصيح ونها .. وأعله بنها أيصيح ونها
آه يالحسن آه .. آه يالحسن آه
** *

دنيا ألخانت حيدر
دنيا ألخانت حيدر باجر تغدر بيج
شيعية وما أقدر قلبي أيغار أعليج
شعرج من يتحجب يمسح دمعة زينب
يمسح دمعة زينب والزهرة أتحييج
--
وارث هاي الغيرة من غيرة عباس
شعر ألما يتحجب ينهان أوينداس
من طبع المحشومة تنحط فوق الراس
هوه أحجاب الزهرة صدقي أيلوق أعليج
** *
ريت ألما تتحجب تتحجب وأتشوف
وأتصون أولايتها مو من دافع خوف
والله أتقوم الحضرة هيه أعليها أتطوف
للمذهب والعترة ندعي الله أيخليج
** *
من طبع ألتتحجب منها أتغار الحور
تفرح بيها الحضرة من تتعنه أتزور
تنثر ليها الرحمة شمعة او وردة أونور
أنتي أبغير العفة أشتسوين أبدنياج
** *
معروفة ألتتبرج تزغر بالأنظار
ما تؤمن بالعفة بالمحشر للنار
وألعاشت محتشمة أيناصرها الكرار
وزينب يوم الحشر تضحك تتلقاج
** *

عباس إمامي
عباس إمامي عباس إمامي
شوقي أوغرامي شوقي اوغرامي
سويته دمعة أبعيني اوبجيته .. عباس ساكن بالقلب لقيته
يا عباس .. يا عباس
--
ما آلوم قلبي ألهواك أوبيك مفتون
معذور لو قلبي بيك أيصير مجنون
أهديك حبي أوغرامي أوليك ممنون
روحي أتقلي ألغرامي أتكون ويكون
حبك جنوني وحبك جنوني .. شاغل ظنوني وشاغل ظنوني
حاولت أهاجر شوقه أونسيته .. عباس ساكن بالقلب لقيته
** *
روحي أصبحت امن الغرام أجناح ويطير
قصة حبيب أومُحب ما غيره أيصير
لو جان حب القمر للناس تكفير
عباس سجدة عشق والشوق تكبير
صومي وصلاتي صومي اوصلاتي .. حبي أوحياتي حبي أوحياتي
لو موت شوقه أبجفن أعتنيته .. عباس ساكن بالقب لقيته
** *
قلب أليحبِ اويجن بالشوق معذور
عاشق صرت وأصبحت بهواك مجبور
من هالبشر من عشق أموات وقبور
حتى أبمنامه الجدام أتطوف وأتزور
حبي اوحبيبي حبي اوحبيبي .. جرحي اوطبيبي جرحي اوطبيبي
من الرحم حبيته أوهويته .. عباس ساكن بالقلب لقيته
** *
من الرحم يا قمر بهواك حسيت
ما غير وجه القمر محبوب حبيت
من رضعتني أمي للعباس حنيت
لمن كبرت أوعرفتك فيك جنيت
خلاّني هايم خلاّني هايم .. بدر الهواشم بدر الهواشم
ذبت أوملكني أوبالدم شريته .. عباس ساكن بالقلب لقيته
** *

عالخير

عالخير عالخير ميلاد الولي
عالخير عالخير ميلاد الولي

الليلة كل هاي الخلايق تنتظر أعظم ولادة
بينختم عقد الإمامة ويستلم بأيده القيادة
مكرمة والباري إلنه خصص هالعبادة
وياك وياك نوصل للهدف
وياك وياك نوصل للهدف
** *
مولد المهدي يشيعة بالفرح تزهي أبسمانه
العمر فدوة ألحضوره الأمل هوه أورجانه
ندعي من الله يرده أيحيطنه أبعطفه أوحنانه
مولاي مولاي جم دوب الصبر
مولاي مولاي جم دوب الصبر
** *
العسكري أنهني الليلة بمولد المهدي ولينه
بالقلب حبه يتجدد وأعله دربه أحنه مضينه
بشّر أبهاي الولادة المصطفى الهادي نبينه
لو عاد لو عاد شخصك يالقمر
لو عاد لو عاد شخصك يالقمر
** *
لهفة آني الكون كله ينتظر نور الهداية
قدم أبهالليلة إلنه الباري يا شيعة أزكى آية
بمولده ذه الكون أزهر من لبس تاج الولاية
بالروح بالروح نضحي وبالدمه
بالروح بالروح نضحي وبالدمه
** *

أعز من روحي
أعز من روحي وصدق عندي الحسين
تضل ساكن محبته أعيوني الاثنين
صبح عنواني .. حسيني آني
--
سهم عشق آنه صوّبني وأبـ بحور أشواقه ذوّبني طحّني وبالهوى ذرني .. حبيبي
سحن قلبي أبجمر ناره قمت أتنطر أخباره ملك دلاّلي بأفكاره .. حبيبي
أنا الشيعي اللي خلص عمره بالنوح
وأنا ألهاي العقيدة بايع الـــروح
فخر خلاّني .. حُسيني آني
أعز من روحي وصدق عندي الحسين
* * *
قليله أبحقه الدمعة ألحبيبي أعتلق شمعة أفاخر مهجة البضعة ..حبيبي
إذا مرة آنه أتعكر أهداب أعيوني تتعسكر كل وشي ولكن أستبشر ..حبيبي
أبفخر أحلى العمرياهل السقيفة
هدية أنقدمه للعترة الشريفة
إلك برهاني .. حُسيني آني
أعز من روحي وصدق عندي الحسين
** *
ألنكر فضله فلا أنصف إبن أطهر نسب وأشرف ربيب الوصي والمصحف .. حبيبي
إله اسنين أونظر عيني وأقولك يالتعاديني نبع حبه يروّيني .. حبيبي
أنا ألعلّمني حبه أسهر ليالي
وأبد ما عندي مثله أبيوم غالي
رغم عدواني .. حُسيني آني
أعز من روحي وصدق عندي الحسين
** *

باسم الإمام الرضا
شعت نجوم الفضاء باسم الإمام الرضا
شبيت آنه أعله الحب يابا الحسن شبيت
يا حب يرضي الله مثلاته ما حبيت
--
نجم اوضوّى الليالي يلي ساكن خيالي ويا نظر العيون
آنه مالقى جلاله في عُلاه أوجماله كل قلب مفتون
الشموس أعله دربك والنفوس ألتحبك بيها فاز الكون
يا ملِكاً قد ملكتَ الدُهورا .. وكلُ قلبِ أتاكَ أسيرا
مُلكَ سُليمان يهواكَ يا مَن قبلَ سُليمان كانَ أميرا
(أنت شمس الشموس يا أنيس النفوس)
يا وليداً من سجايا عليٍ بوركتَ عِلماً وحِلماً ونورا
وُلدت من نسل نجم عظيمِ فكنتَ نجماً عظيماً كبيرا
مبروك إلى المرتضى .. باسم الإمام الرضا
** **
من عُلاك اعتلينه وألهواك أنتمينه وأنته روح الروح
نستمر أبهواكم ما تهمنه عِداكم يا دوى المجروح
ياللي جاري في دمنه أنته بس اللي أيهمنه اوخل عداك أتروح
حبك ألقى سناهُ عليا ونوَرَ الدربَ هدياً إليا
اللهُ يا نُسخةً من عليٍ زرَعتَ في كُل قلبِ عليا
( غازلتك الشموس يا أنيس النفوس)
إن هوائي هواك فأشِّر ندوس بالحمر مولاي هيا
نبقى على حُبِكم ما حيينا لسنا نهابُ على الحُبِ شيا
ما يهمنه جمر الغضا .. باسم الإمام الرضا
** **
الرضا يا ذرانا أنته غاية مُنانا يا قمر الأفكار
مولدك للهداية وللقيم والولاية وللبشر أنوار
في شرفنه أملكم واللي يمسك حبلكم ما يخاف النار
إنَّا مددنا إليكَ يدينا فأنثُر على روِحِنا ياسمينا
عيدُكَ مولايَ عيدُ المعالي يفتحُ بابَ العلومِ إلينا
(أنت شمس الشموس يا أنيس النفوس)
قد حسدونا عليك إمامي لمّا رفعت إلينا الجبينا
يا نار حُسادهِ في البرايا كوني سلاماً وبرداً علينا
بردا اوسلام اللظى .. باسم الإمام الرضا
** **

أحنه نحب أبو اليمه ..

يوسف يا جمال الله ..عليه الناس متخبله ..غريبة
أحنه نحُب أبو اليمه .. رسول الله وابن عمه ..عجيبة!
-
غريب وتعجب أوصافه ..شجاع و حقه ما عافه ..حسامي
هيام و شوقي مآخذني .. لأبو اليمه يذوبني .. غرامي
علي صلى .. وحي والله
:
جمالك أنت من ربك .. يوسف نفسه يحبك .. اشحلاته
سيفك منكصم نصين .. واحد حسن ويه احسين ..اشحلاته
نحب الله .. علي صلى
:
ويه آدم صرت أنت .. أقسم هالشرف صنته .. يا ضرغام
كفلت أنت يتامانا .. صحيح .... نخوانا .. بالأنعام
يا حق الله .. علي صلى
:
ابن ود أنت الـ طبرته .. خيبر أنت الـ شلعته ..بستارهـ
حيدر محد يجيبه .. هيبة ومن صدر هيبة ......
هداه الله .. إلى الزهراء
:
سلامك أنت من قلبك .. نحبه كلمن يحبك .. يا محبوب
أنس والجان شهدوا لك .. غيور ومحد يزولك .. بالقلوب
رسول الله..علي صلى

زينب

زينب زينب .. سلوة حياتي
زينب زينب .. إنت ِ في ذاتي
يا زينب

انت ِ سلوة عالمة وطيب الكلام
وانت ِاية عاطفة وروح السلام
قلبي قلبي .. انتي واحساسي
قلبي قلبي .. شهقة انفاسي

زينب زينب .. سلوة حياتي
زينب زينب .. إنت ِ في ذاتي
يا زينب

بيه لهفة عاشق بصدره اشتياق
شوفتج مولاتي ابقد العراق
عيني عيني.. عشقة أحلامي
عيني عيني .. وانت ِ قدامي

زينب زينب .. سلوة حياتي
زينب زينب .. إنت ِ في ذاتي
يا زينب

الـ حضرتج ارد اعتني واشرب سبيل
من عذب مايج يااخت ذاك الكفيل
يمج يمج .. هالقلب ضامي
يمج يمج .. تشفى الآمي

زينب زينب .. سلوة حياتي
زينب زينب .. إنت ِ في ذاتي
يا زينب

و من كثر شوقي إلـج اخذني الهيام
الـ مرقدش يالحره وي سرب الحمام
روحي روحي .. ويه زوارج
روحي روحي شاوق انوارج

زينب زينب .. سلوة حياتي
زينب زينب .. إنت ِ في ذاتي
يا زينب

زعلتك - من اصدار ذهب لباسم الكربلائي

زعلتك ادري ..شنهو عذري
ياللي امري بين ايديك
وانت من طبعك تسامح ياامامي
دمعي يجري ..هذا سهري بس عليك
وبخيالك فكري سارح ياامامي
...........
انتظرتك واقف بباب الامل
لشوفتك ماني اهل
شلون اناديك العجل
واادري تحجبني ذنوبي
وين اودي وجهي انا من الخجل
حقه قلبك لو زعل
اسف لكل ماحصل
سيدي وااستر عيوبي
يالمهدي عفوك جم وجم ىمرة حملني اذنب ولا ماتملني
هذا وصفك بيه اعرفك..عايش بشوقك جعلني
يالدعائك لو شملني الدنيا ماتقدر تذلني
جيت احلفك وانته جفك حاشا والله ماخذلني

عبدك انا ..من مولدي تعتقني .لا ياسيدي امامي يامهدي
صاحب زماني يالتراني شلون اعاني ..وابجي ليك ..
ارضى عني ياامامي ..يابو صالح
.......................
شنهو يربح كلمن لعفوك خسر
لارضت عني البشر
المهم يالمنتظر بس رضاك اليرضي ربي
مااغالي لو قلت ليك المفر ..كل قضاء وكل قدر
امره من بيتك صدر ..حقي لو بسمك البي
وباانتظارك يااللي متمحل سنينك..عيب اسألك انت وينك
انا ويني عن يقيني الماجمع بيني وبينك
الله ياطلعة جبينك ..لو وقفت من بين ايدينك
تغشي عيني..وتحتويني وانحني لقبلة يمينك
ولو بالحلم طيفك يمر ..هالشوفة بس تسوى العمر ..امامي يامهدي
عايش حياتي بنايباتي وامنياتي التقي ..والخدمتك ماابارح ياامامي

سلوان الناصري يالحبك مصيري

يالحبك مالِك مصيري ما أرضى أبغيرك أميري
من لهبة نار السعيري يا حيدر أنته مجيري
؛
يتخافق الدلاّل يختل لساني
من أسمع بطاريك أشهق تراني
يا مالك أطهر ذات وأجمل معاني
لا ما تمسني النار وأنته ضماني
يالـماكو أبحسنه أوجماله ولا واحد يوصل كماله
مذهوله الناس أبخصاله نتمنى عطفه و وصاله
؛
؛
يا مأّدِّب الفرسان من آل آميه
ويّه الأعادي أتصير جفك منيه
للموزمه مذخور وألكل رزيه
عاش الذي سمّاك حامي الحميه
يالشد أبسيفك دمعها فرسان أبطال ألصرعها
يا جار الغيره ونبعها من غيرك خيبر قلعها
؛
؛
جيوش العدى من أتفوض ترجف زلمها
بس دومه بالبتّار يرتد عزمها
شافت فعل ما صار والهم لزمها
جت أبن ود نصين سيفك قسمها
لو جيش أعداكم يجازف بحشوده ألسيفك يصادف
بالناتج صدقني عارف يتلاشى ويصبح سوالِف
؛
؛
القلب ألصبح ولهان خل عينك أتشوف
من حبك أهجس بيه طبعته السيوف
يالأصله طيب ذات بالغيرة موصوف
ارحم قلب يهواك للمُلكه ملهوف
دلاّلي نيرانك أبره يا حيدر حيّرني أمره
ولهان أوشنهي أليصبر ه وألحبك لا بد تعذره

عقيل الكعبي قلبي بجمر جوويته

آنا لعلي سويته قلبي بجمر جوويته
صاح ورفع (علي علي) دق وانتفض(علي علي)
كلما نبض يصرخ علي علي علي (ياعلي)
؛
؛
رادوني انسى المحبوب من حيدرة أنا ما توب
قد الهوى وكل الماي اهوى الصميده ومولاي
رايح وارد (علي علي) اشتم ورد (علي علي)
كلما نبض يصرخ علي علي علي (ياعلي)
؛
؛
راهنته يبقى الغالي محبوبي اول تالي
صدقني ماينساني وجدانه كل وجداني
ماخد عهد (علي علي) من المهد (علي علي)
كلما نبض يصرخ علي علي علي(ياعلي)
؛
؛
دلالي حيرني وياه ضوقت حب ماينساه
ادري ابتليت وحبيت لاعدل باقي ولاميت
حب حيدره (علي علي) للاخره (علي علي)
كلما نبض يصرخ علي علي علي (ياعلي)
؛
؛
يابالحسن لاموني قلب اول إلعادوني
يسئلني جربت النار جاوبته حب الكرار
كل العمر (علي علي) نسمه وجمر (علي علي)
كلما نبض يصرخ علي علي علي (ياعلي)
؛
؛
عاشق دليلي ومعشوق شوفتك نيران بشوق
مره العشق ماينعاد لوهاذ لو ماينراد
بالمرتضى (علي علي) شفت الرضا (علي علي)
كلما نبض يصرخ علي علي علي(ياعلي)

ألف الصلاة

ألف الصلاة على النبي أحمد وآله
قد البحر قد السماء وعرشه وأضلاله

فضل الصلاة على النبي تتحقق آمالك
والله يعد بيك البلاء ويتقبل أعمالك
أفضل ذكر به تنذكر لين الأجل جالك
نورك بيوم الآخرة وأفضل الأعمال

هذا أنيسك بالقبر يوم اليدفنونك
زادك وسترك مشربه قراء لعيونك
اتيقن إن بالحشر ما يخيب ضنونك
يوم اللي ما ينفع ولد ما ينفع أبنان

أحسن ذكر لين القبر .. أحكم أطفاله
إنك تصلي على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله

كل ما نصلي على النبي تكبر معانينا
ويرفعنا الله برحمته ويكرمنا بإيدينه
ويحرسنا من كيد العدا ويحفظنا بعينه
كهف وستر طول العمر لين العمر طال

هذي مجرة من العلي بأنوراه وهاجه
وهذي السراج اللي فقد في ليله سراجه
لو تقصد الله بهالذكر يقضي لك الحاجة
وهذي سلاحك والدرع لين الزمن مال

تنفتح أبواب السماء .. تسمك أحباله
كل ما تصلي على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله

كل ما تصلي عليهم يزول الضجر عنك
كلمن اله فنه وحب المصطفى فنك
حبه بحر كل ما غرفته العزز منك
هذا الوسيلة النافعة في أول و ثان

يمصلي صلي على النبي وصلي على العترة
صلي على علي وحسن وحسين والزهراء
هم رحمة الله الواسعة وكنوزه وسرّه
بيهم طيور الجنة تعزف أحلى موّال

لو يستوي تراب وحجر .. والله اسوا له
الما يصلي على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله

وإنت جنين بعالمك ما تدري بأيامك
ذكر النبي وعلى الإبن تنبت به أعضامك
وبين المشيمة والرحم تتخلص آلامك
وعند الولادة يسهل الله كل الأهوال

صلاتك عليهم أجل ما يحوي ميزانك
تاجك الشرف هامتك بالدنيا أوزانك
من تعبر حروف النبي تتلاشى أحزانك
ينشرح صدرك من تمر بآذانك الآل

اللي يواليهم صدق .. كل شئ يحلاله
بعد الصلاة على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله

أولنا محمد

أولنا محمد أوسطنا محمد آخرنا محمد صلوا على محمد

مو عجب تزهر الأرض وانت ساكن ثراهــــا هالله هالله يطه
مو عجب يختفي القمر مِــنْ تنوّر دُجـــاهــــا هالله هالله يطه
مو عجب تِخْجَل الشمس وانت ماحي ضياها هالله هالله يطه

السور تشهــد إلك وبنورك يدور الفلك
فاز من بيكم مسك واللي يعـاديكم هلك

الله بـك أنقذ أمــــــمْ تايهَهْ بجور وظـُــلَمْ تِجــرعْ مآسي
ضايعة بجهل وعدم رسّخـــــتْ فيها قيَمْ مـثل الرواسي

أولنا محمد أوسطنا محمد آخرنا محمد صلوا على محمد

اسمك بعرشه سجله والعرش بـــــك تباهى هالله هالله يطه
عالرسل ربي فضلك من تجلي بطـــــــواها هالله هالله يطه
والكليم أدرك العصا وانت مصدر قِـــــواها هالله هالله يطه

الله فـــي وادي طوى ارث النبّـــــــوة سلّمه
لو هَوْ بسمك ما دعا ما خاطب الله او كلّمه

الجذع ما هو عــــجب ليثمر واهمى رطب وتهزّه مريم
ما صعب ليها طــــلب حبك الغـــالي سبب يبــــدد الهم

أولنا محمد أوسطنا محمد آخرنا محمد صلوا على محمد

طه لولاكم الشمس ما زهت في ضحاها هالله هالله يطه
و القمر لو لاكم أبــد (ما بدى أو تلاها) هالله هالله يطه
الله في حبكم النفس يلهمـــــــنها تقاها هالله هالله يطه

نوح يوم اللي ســــــعى و الباري بيكــم نصره
وموسى يوم اللي دعى وخابت ظنون السحرة

بيده يعقوب وحضن يوسف او روعــه سكن بيكـم تعافى
قاسى يعقوب ووهن وعـاش ذا النون وحزن بيكم تشافى

أولنا محمد أوسطنا محمد آخرنا محمد صلوا على محمد

طـــــــه لولاكم الفلك ما جـرت في مــداها هالله هالله يطه
و الكواكب هلي تشع ما ضوت في سماها هالله هالله يطه
و النجوم اللى أزهرت ما بدت في فـضاها هالله هالله يطه

بمحمد وعــــــــلي ميبقى لـي هم وألـم
حيدر اخترته ولي والهادي غذاني قيم

ولو يخاتلني زمـن قلبي بالـــــزهرة أمن أم الأيــــمـه
أنخي بالضحى إلي بالحســــين ابن علي عند المــلمة

أولنا محمد أوسطنا محمد آخرنا محمد صلوا على محمد

الله لو لاكم السما ما رفعـــــها او بناها هالله هالله يطه
الله لو لاكم الأرض ما وجدها او دحاها هالله هالله يطه
الله لو لاكم الإنس ما خلـــقها او براها هالله هالله يطه

أول العترة بــــــدر رفيع او عالي الدرجه
صفوة آخرهم ذخر الاهي عجــــــل فرجه

طه من حبه ضـمن جنته تبــــــــقى ثمن فوز او سلامه
حب أهل بيته وطن يجري بعروق وبدن حصن الإمـامة

أولنا محمد أوسطنا محمد آخرنا محمد صلوا على محمد

عالدنيا زينب أشرقت

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

ورد المحاسن فاح
ويردد الصداح
ليلتنا للمصباح
نحييها بالأفراح

ليلتنا ليلة عيد
وبنغمة التغريد
طير السعادة يريد
ينشر علينا جناح

زينب شمس وتنور
الها الحفل معمور
وهذا الاسم مذكور
من نشأة الأرواح

سماها رب الكون
بالزاء ياء ونون
والباء بيه يصون
قدسية الإصلاح

بهاي الولادة الطاهرة نعلن مسرتنا
فوق الوجوه الباسمة مرسومة فرحتنا

بكل محفل وكل دار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

زينب فخر ينعاد
وبكل زمن يزداد
واكتسبت الأمجاد
من ساعة الميلاد

ثالث شمس للدين
بعد الحسن وحسين
من عالم التكوين
مذكورة للإرشاد

تملك عقد منظوم
لوح القدس مرسوم
مولدها عيد اليوم
ما مثله بالأعياد

صدر المحب مشروح
عطر الهداية يفوح
زينب رفيف الروح
يحضرنا عـ الميعاد

أمة محمد بالفرح هاليلة مسروره
كوكب فرحنا بكل حفل أنواره منشوره

من مطلع الأنوار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

من دافع الإيمان
قلب المحب فرحان
ويردد بألحان
انشودة الوجدان

زينب اسم مكتوب
بصفحة مُهج وقلوب
هالمجلس المنصوب
أصبح أجل برهان

والدها داحي الباب
من خيرة الأطياب
به تعجز الكتاب
وأسراره بالقرآن

والزهراء أمها تلوح
بين العرش واللوح
سرها سفينة نوح
أبحرت عـ الطوفان

والدها حيدر بالفخر لاحت معانيّه
وأمها البتول الطاهرة الراضية المرضية

واحنا على هالآثار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

زينب أمل منشود
إلها فخر مشهود
كل الفضيلة تعود
للخالق المعبود

شرفها باري الناس
بالعفة والإحساس
إلها انرفع نبراس
بالغانمة وبالزود

إلها فضل معروف
بأشرف وصف موصوف
يوم الولادة نشوف
وياها المجد مولود

والليلة جبرائيل
فطرس وميكائيل
كل من حمل إكليل
ويهني بحر الجود

زينب واسمها من العرش متنزله حروفه
بضعة الزهراء فاطمة وبالعفة موصوفة

وبمجمل الأسرار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

زينب بأطهر ذات
سادة المخلوقات
بضعة علي وهيهات
تنسانا بالشدات

باب الحوايج هاي
ما خيبّت رجواي
لو حوربت دنياي
تحضرني بالكلفات

خل ندعي باري الكون
بجاه العقيلة يكون
يضل الشمل مأمول
ويحفظنا بالنكبات

ويعوّد الغياب
للأهل والأصحاب
ويجمع الأحباب
ويرجع البسمات

ارحمنا يا باري اللطف .. من لطفك الوافر
بجاه العقيلة بنت علي وهالمولد الطاهر

وبكل فرح لو صار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

وكم وكم مهموم
ومن الفرح محروم
يدعي بقلب مالوم
يوم الفرج يا يوم

كعبة صبر لو طال
يا مغير الأحوال
نتمنى صورة حال
والفرحة النا تدوم

بجاه العقيلة نريد
هالمحفل وهالعيد
يتنصب من جديد
يم مرقد المظلوم

تتجدد الأيام
ونحقق الأحلام
محلى الفرح لو دام
يا ربي يا قيوم

هالليلة طاووس الأمل بالحب نشر جنحه
هالليلة أملاك السماء تشاركنا بالفرحة

وبنفحة الأزهار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

يـــــــــلايم يــلايم

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

يالما يخيّبــــــــــهم طــَلابه طــــــلابه
والملتجــي بروضة أعتابه أعـــــتابه
يتمنى ترب الجنـــة اترابه اتـــــرابه

في چــــفه الكوثر ما ينسى في المحشر أحبابــــه هي يا الله
والـــيَــرد المدينه ويرد الجــــــنة يدخل من بابه هي يا الله

عـــــذولي اشعدَالك؟ وبـعـــدالك عــــــــــليه
أنا حبي وغــــرامي للهــــــــــادي ووصيه

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

هارونه يا حيدر من موسى من موسى
وعند الحرب انته طـاووسه طــــاووسه
الهيبة والعزة نــــــــاموسه نامـــــوسه

ذوَبنا في حـــــــــبه الشرّف الكعبـــــــة باشموسه هي يا الله
ميخاف اوما يجزع وما يعرف الرهبه قاموســه هي يا الله

تحــــــــب التـــحبه مّــــــــنك آنا اشعـــليه
أنا حبي وغرامي للهــــــــــادي ووصيه

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

مِنك نبينــــــه وانته منّــه انته مــــنّه
يالواحـــــد اللي ما يتـثنى يتثـنـــــــّى
تحلم عدويــــــنك بالجـنـة بالــــجــنه

طول الدرب وياك عاش الذي سمّــــاك يا حيدر هي يا الله
والى الله الوالاك وعادى الذي عـاداك يالجوهر هي يا الله

خذ يحيدر سلامي قلبي لك مـــــو إليـــــه
أنا حبي وغرامي للهــــــــــادي ووصيه

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

كفرني ياللي بتكـــــفرني كفــــرني
قولك ميسمن لا ما يغني ما يغــني
حبي إلى الــــكرار جننّي جـــــنّني

وش عرّفك بالحـــب وأفعاله وآثاره وآلامـــه هي يا الله
مو كل من اللي هب يتفهّم أســراره واحكامه هي يا الله

يا صاحي اشتعاتب هالجنــــون اللي بيّـــه
أنا حبي وغرامي للهــــــــــادي ووصيه

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

حبي إلى طه والحيــــــدر والحـــيدر
قد ما قدرته اتلـــوم وأكثر أو أكـــــثر
تلقى في قلبي حبهم يـكبر ْلهمْ يــكبر

قبل الخلِق والــــذر حبي لك اتفجر يا حيدر هي يا الله
واسمك قطع سـكر بــلساني تتنثر يمـشكر هي يا الله

يقول اليقــــــــوله وينســــــب اليبغي ليه
أنا حبي وغرامي للهــــــــــادي ووصيه

يـــــــــلايم يــلايم خـــــــــف لومك عليه
أنا حبي وغرامي للهــــــــــادي ووصيه

» قصائد مواليد مكتوبه
» اناشيد ولطميات مكتوبة ادخل وشاركنا